१३ कार्तिक, काठमाडौं । भारतमा हुने यू-१९ च्यालेन्जर ट्रफीका लागि नेपाली युवा टिमको घोषणा भएको छ ।
भारतको मुम्बई र विजयवाडामा आउँदो नोभम्बर ११ देखि नोभेम्बर १७ तारिखसम्म हुने प्रतियोगिताका लागि १६ सदस्यीय टिममा अनुभवी खेलाडीभन्दा पनि नयाँ खेलाडीलाई मौका दिइएको छ ।
भारतीय क्रिकेट कन्ट्रोल बोर्ड(बीसीसीआई) को आयोजनामा हुने यो प्रतियोगितालाई लिस्ट ‘ए’ खेलको मान्यता दिइएको छ । नेपालले इण्डिया रेड, इण्डिया यल्लो र इण्डिया ब्लूसँग प्रतिस्पर्धा गर्नेछ । सिंगल राउण्ड रोबिन फम्र्याटमा हुने यस प्रतियोगितामा सबै टिमले एक अर्कासँग समूह चरणमा प्रतिस्पर्धा गर्नुपर्नेछ । शीर्ष स्थानमा रहने दुई टिम फाइनलमा प्रवेश गर्नेछन् ।
रित गौतमको कप्तानीमा घोषणा गरिएको टिममा लोकेश बम, विशालविक्रम केसी, खड्कबहादुर बोहोरा, अरुन ऐरी, तिलकराज भण्डारी, विवेककुमार यादव, त्रितराज दास, हरि चौहान, सूर्य तामाङ, अभिशेक बस्नेत, शेर मल्ल, प्रतिश जिसी, आकाश चन्द, गौतम केसी छन् ।
