१५ कात्तिक, विराटनगर ।
छठ पर्वको अवसरमा विराटनगर महानगरपालिकामा आइतबार सार्वजनिक विदा हुने भएको छ । महानगरपालिका नगर कार्यपालिकाको कार्यालयले शुक्रबार सूचना जारी गरी १६ गते शनिबार र १७ गते आइतबार सार्वजनिक बिदा दिने जनाएको हो ।
सूचनामा १६ गते शनिबार पूर्ववत नै विदा परेपनि सार्वजनिक विदा दिइने उल्लेख गरिएको छ । सूचनामा नेपालीहरूको महान पर्व छठ पर्वको अवसरमा १६ र १७ गते विराटनगर महानगरपालिका नगर कार्यपालिकाको कार्यालय र यसअन्तर्गतका कार्यालयहरू एवं नगर क्षेत्रभित्रका शिक्षण संस्थाहरूमा सार्वजनिक बिदा दिइएको विराटनगर महानगरपालिकाका सामान्य प्रशासन महाशाखा प्रमुख अर्जुन थपलियाद्वारा जारी गरिएको विज्ञप्तिमा भनिएको छ ।
