१७ कार्तिक, सिन्धुपाल्चोक । दोलखाको मागा देउरालीबाट काठमाडौंका लागि छुटेको यात्रुवाहक बस सिन्धुपाल्चोकको सुकुटे नजिकै दुर्घटना हुँदा कम्तिमा तीन जनाको मृत्यु भएको छ ।
जिल्ला प्रहरी कार्यालय सिन्धुपाल्चोकका अनुसार शैलुंगेश्वर यातायातको बा २ ख ७२४५ नम्बरको बस आइतबार दिउँसो सवा १ बजे सुनकोशी नदीमा खसेको हो । घटनास्थलमा तीन यात्रुको शव फेला परेको डिएसपी माधव काफ्लेले जानकारी दिएका छन् ।
मृतकको संख्या बढ्न सक्ने र अहिले खोजी र उद्धार कार्य जारी रहेको पनि उनले बताए । मृतकको सनाखत भएको छैन । बसमा ४० यात्रु सवार थिए । घाइतेमध्ये ६ जनाको उद्दार गरी अस्पताल पठाइएको काफ्लेले जानकारी दिए।
बसका चालक धनबहादुर तामाङ नदीबाट आफैं माथि आएका थिए। लगत्तै उनी बेहोस भएपछि अस्पताल पठाइएको छ । दुर्घटनाको कारण खुल्न सकेको छैन । थप विवरण आउँन बाँकी छ ।
