२४ कात्तिक, विराटनगर ।
पब्लिक स्पिकिङ सम्बन्धी टे«निङ दिने चर्चित फ्रेन्चाईज कम्पनी च्याटर बक्सको सेवा अब विराटनगरमा पाईने भएको छ । चार्टर बक्स विराटनगरकोे शनिबार विराटनगरको होटल ह्यारीसनमा एक कार्यक्रम गरी उद्घाटन गरिएको छ ।
उद्यमी महेश जाजु, शंकर अग्रवाल र सुजित झाले पानसमा बत्ती बालेर तथा कमला अग्रवाल र कमला जाजुले रिबन काटेर च्याटरबक्सको उद्घाटन गरेका छन्। भारतको १३ शहरका २२ सेन्टर र नेपालको काठमाडौँ र ललितपुरमा गरी २ वटा सेन्टरबाट टे«निङ दिँदै आएको सो संस्थालाई सामाजिक अभियन्ता सुजित झा, महिला उद्यमी जयश्री जाजु, विद्यालय शिक्षिका बन्धना अग्रवालले विराटनगरका लागि फ्रेन्चाईज ल्याएका हुन् । कार्यक्रममा कम्पनीका संस्थापक जोसेफ सेबास्टियन र धिरज गोल्यानले पब्लिक स्पिकिङ सम्बन्धी जानकारी दिएका थिए ।
शाखा उद्घाटनसँगै च्याटर बक्सले यस क्षेत्रका ७ देखि १८ वर्षसम्मका विद्यार्थीहरुलाई पब्लिक स्पिकिङ ट्रेनिङ दिने भएको छ । विद्यालयमा विद्यार्थीले शिक्षा प्राप्त गरेपनि आत्मविश्वासका साथ बोल्न नसक्ने , भाषण गर्न नसक्ने, आफुले बोलेको कुरा अरुलाई बुझाउन नसक्ने भएकोले यस तालिमले विद्यार्थीको क्षमता अभिवृद्धिमा सघाउ पुग्ने संचालकको अपेक्षा छ ।
सार्वजनिक मासमा बोल्न डराउने ब्यक्तिहरुलाई तालिममार्फत आत्मविश्वास बढाउने, बोल्ने शैली सिकाउने तथा नेतृत्व गर्नसक्ने क्षमताको विकास गराउनु च्याटर बक्सको उद्देश्य रहेको संस्थापक धिरज गोल्यानले बताए । च्याटर बक्स विराटनगरले यही कात्तिक ३० गते शनिबारदेखि हरेक शनिबार ३ महिनासम्म होटल ह्यारिसनमा तालिम दिनेछ । १२ हजार शुल्क निर्धारण गरिएको तालिम लिन चाहाने इच्छुकले सम्पर्क गरी आफनो नाम दर्ता गराउन सक्ने आयोजकले जनाएको छ ।
