२५ कात्तिक, काठमाडौं ।
सामाजिक सञ्जालमा अघोरी बाबा भनेर चर्चित विजय केसी र उनकी श्रीमतीलाई प्रहरीले नियन्त्रणमा लिएको छ ।
विदेश पठाइदिन्छु भन्दै ठगी गरेको आरोपमा उनीहरुलाई पक्राउ गरिएको हो । उजुरीको आधारमा उनीहरूलाई सोमबार नियन्त्रणमा लिएको महानगरीय प्रहरी परिसर काठमाडौँका प्रहरी प्रवक्ता होविन्द्र बोगटीले जानकारी दिए ।
प्रहरी प्रवक्ता होविन्द्र बोगटीले भने ‘ठगी गरेको आरोपमा बाबाकी श्रीमतीविरूद्ध उजुरी परेको थियो । उजुरीकै आधारमा उहाँलाई यहाँ ल्याइएको हो । ’
