२९ कात्तिक, विराटनगर । १ नं प्रदेशका सभामुख प्रदीपकुमार भण्डारीले सामूहिक प्रतिबद्धताका साथ भष्ट्रचार ढिला सुस्ती अन्त्यका लागि सबै पक्ष प्रतिबद्ध भएर अगाडि बढनु पर्ने बेला आएको बताएका छन् ।
१ नं प्रदेश सभा, सुशासन तथा योजना समितिले शुक्रबार प्रदेश सभामा आयोजना गरेको सुशासन तथा योजना सम्बन्धी अन्तक्रिया कार्यक्रममा उनले सुशासन कायम गराउने कुरामा पहिला व्यतिगत र राजनीतिक स्वार्थ भन्दा माथि उठ्न जरुरी रहेकोमा समेत जोड दिए ।
जिल्ला समन्वय समितिका मोरङका प्रमुख नरेश पोखरेलले आवश्यक जनशतिmको अभावमा विकास निर्माणको अनुगमन गर्ने नाममा आफुहरु धुलो उडाएर मात्र हिड्ने स्थितिमा अहिले रहेको बताए ।
संविधानले जिल्ला समन्वय समितिले तिनै तहका सरकारले गरेको विकास निर्माणका कामको अनुगमन गर्ने अधिकार दिएपनि आवश्यक जनशतिmको अभावमा प्रभावकारी रुपमा अनुगमन गर्न नसकिएको उनको भनाई थियो ।
कार्यक्रममा जिल्ला समन्वय समिति झापाका प्रमुख सोमनाथ पोर्तेलले तिनै तहका सरकारले कानून निर्माण गर्ने कुरामा नै नीतिगत भष्ट्रचार अन्त्य गर्न आवश्यक रहेको बताए ।
‘हामीले बिकासको परिभाषा फेर्न पर्छ,‘ पोर्तेलले भने,‘विकास निर्माण भनेको भौतिक संरचना निर्माणलाई मान्न हुन्न,जनताले खाना पाउन,लाउन पाउने लगायतका आवश्यक कुरालाईपनि अब बिकासमा समेटन आवश्यक छ ।’
कार्यक्रममा गाँउपालिका महासंघका प्रदेश १ का अध्यक्ष ताराबहादुर काफलेले संघीय सरकार र प्रदेश सरकारले आवश्य कानून निर्माण गरेपनि त्यसलाई व्यवस्थित गर्ने काम नहुदा सुशासन कार्यम गराउने कुरामा समस्या रहेको बताए ।
उनले प्रदेशबाट जाने योजनाहरु स्थानीय तहलाई समेत थाहा नहुने अबस्था अहिलेपनि रहेको बताए ।
