३० कात्तिक, काठमाडौँ ।
भारतीय पूर्वक्रिकेटर सचिन तेन्दुलकर नेपाल आएका छन् । संयुक्त राष्ट्र संघको अन्तर्राष्ट्रिय बालबालिका आपतकालीन कोष (युनिसेफ)का सद्भावना दूतसमेत रहेका तेन्दुलकर शुक्रबार नेपाल आईपुगेका हुन् ।
बाल अधिकार सम्बन्धि महासन्धी पारित भएको ३० वर्ष पुगेको उपलक्ष्यमा युनिसेफले सचिनलाई नेपाल डाकेको हो। नेपाल एयरलाइन्सको नियमित उडानबाट शुक्रबार राति ११ बजे काठमाडौं विमानस्थलमा ओर्लिएका तेन्दुलकरले आफू नेपाल आउन पाउँदा खुशी लागेको प्रतिक्रिया दिएका छन् ।
नेपाल भ्रमणका क्रममा उनले शनिबार बिहान किर्तिपुर स्थित टियु मैदानमा बालबालिकासँग क्रिकेट खेल्दैछन्। खेल १० ओभरको हुनेछ । प्रहरी स्रोतका अनुसार शनिबार नै भारत फर्किने तेन्दुलकर दिउँसो काभ्रेपलाञ्चोकको एउटा कार्यक्रममा सहभागि हुनेछन्।
तेन्दुलकर अन्तरराष्ट्रिय क्रिकेटमा सर्वाधिक शतकको कीर्तिमान राख्न सफल भारतका चर्चित क्रिकेटर हुन् ।
