३ मंसिर, काठमाडौँ ।
निकेश खड्काको निर्देशनमा बन्ने चलचित्र ‘चपली हाइट ३’ को शुभ मुर्हत गरिएको छ । कार्य विनायक मन्दिर परिसरमा मंगलबार बिहान कलाकार, निर्माण पक्ष तथा प्राविधिकको उपस्थितिमा चलचित्रको शुभ मुर्हत गरिएको हो ।
शुभ मुर्हतमा चलचित्रकी नायिका द्वय स्वस्तिमा खड्का, सुपुष्पा भट्ट लगायतको उपस्थिति रहेको थियो । अर्जुन कुमारको लगानीमा बन्ने चलचित्रमा चलचित्रमा अभिनेत्री स्वस्तिमा खड्काले प्रमुख भूमिका निभाउनेछिन् भने उनको जोडी नव–अभिनेता महेश त्रिपाठीसँग बाँधिने भएको छ ।
यी दुईका अलावा सुपुष्पा भट्ट र नव–अभिनेता प्रतीक श्रेष्ठको पनि अभिनय रहने छ । अर्जुन कुमार फिल्मस् र केडिसी हस्पिटलले संयुक्त रूपमा निर्माण गर्ने चलचित्रमा पहिलो शृङ्खलाका अभिनेता आमिर गौतमले मात्र स्थान पाएका छन् ।
