आजका प्रमुख खबरहरुः
१.(अदालतको अवहेलना)
निर्मला पन्त हत्या र बलात्कार प्रकरणमा अदालतको अवहेलना मुद्दामा पत्रकार खेम भण्डारी जेल चलान / भण्डारीस्लाई एक घन्टा कैद र एक रुपैयाँ जरिवाना भराउन अदालतको आदेश ।
२.(पोस्टर बने मेयर)
सडक निर्माणमा ध्यान नदिएको भन्दै विराटनगर–६ का स्थानीयबासीले मेयर भीम पराजुलीको तस्बीर सडकको पोलमा टाँगे /पाँच वर्षसम्म सडक नबनेपछि स्थानीयद्वारा मेयर पराजुलीको फोटो राखेर सांकेतिक विरोध ।
३.(जनताको खबरदारी)
खाडी चौर‐चरिकोट सडकको ठेकेदार विरुद्ध दोलखावासीद्वारा मानव साङ्लो बनाएर विरोध प्रदर्शन / चार वर्ष वितिसक्दा समेत सडक कालोपत्रे नगरिएपछि स्थानीय आन्दोलित ।
४.(आलमको रबाफ)
कर्तव्य ज्यान मुद्दामा नख्खु कारागारमा रहेका कांग्रेस नेता आफताब आलमद्वारा रौतहट कारागार स्थानान्तरणका लागि कांग्रेस नेता रामचन्द्र गिरीलाई परिचालन / समर्थक भड्काएर मुद्दा प्रभावित बनाउने चलखेल भइरहेको सुरक्षा विश्लेषण ।
५.(खसी काण्ड)
हतियारसहित पक्राउ परेका तरुण दल नेपालगञ्जका नगर सभापति सन्दीपजङ्ग शाह पुर्पक्षका लागि कारागार चलान / शाहसंग खसी माग्ने डिएसपी हेमबहादुर शाहीलाई विभागीय कारबाही गर्न छानबिन समितिको सिफारिस ।
६.(भगवान पनि असुरक्षित)
भक्तपुरस्थित चाँगुनारायण मन्दिर परिसरबाट लक्ष्मीनारायणको मुर्ति चोरी / पुरातत्व विभाग अन्तर्गतको भक्तपुर दरबार हेरचाह अड्डालाई मन्दिर क्षेत्र व्यवस्थित गरिदिन माग गरे पनि सुनुवाइ नभएको पुजारी राजोपाध्याय गुनासो ।
७.(राजनीतिक धर्म)
उपनिर्वाचनमा आफ्नो पार्टीलाई मतदान गर्न सबै मतदातालाई प्रमुख प्रतिपक्ष दल नेपाली कांग्रेसको आह्वान / भारतसँग सीमा समस्या समाधान गर्न पनि सरकारले ठोस कदम चाल्न नसकेको आरोप ।
८.(माल पाएर के गर्नु ?)
मोरङको कटहरी गाउँपालिकामा निर्मित एकीकृत तरकारी तथा फलफूल थोक बजार निर्माण भएको एक वर्षसम्म पनि सञ्चालनमा आउन सकेन / थोक बजारमा कुकुरको बास/ हेरचाह र संभारको अभावमा भवन जीर्ण बन्दै ।
९.(सार्वजनिक शौचालय खोई ?)
सबै नागरिकलाई सार्वजनिक शौंचालयको उचित व्यवस्था गर्न माग गर्दै ‘सातौं विश्व शांैचालय दिवस’ मनाइयो / मुलुकलाई खुला दिसामुक्त राष्ट्र घोषणा गरेपनि आवश्यक व्यवस्था नगरेकोमा नागरिक समाजका अगुवाहरुको असन्तुष्टि ।
१०.(स्थानीय जागे पछि…..)
उदयपुरको बेलका नगरपालिका ४ लालबजारमा ढुंगा उत्खननको विषयमा प्रहरी र स्थानीयबीच झडप / नियमविपरित ढुंगा लगेको भन्दै लोड गरिएका २० वटा टिपर र एउटा स्काभेटर स्थानीयद्वारा नियन्त्रण ।
११.(भ्रमण वर्षको तयारी)
‘नेपाल भ्रमण वर्ष–२०२०’ को स्टिकर आ–आफ्नो सवारी साधनमा टाँस्न सबै यातायात व्यवसायीलाई महानगरीय ट्राफिक प्रहरी महाशाखाको आग्रह / सडकमा खाल्डाखुल्डी हटाई व्यवस्थित गर्नुपर्ने व्यवसायीको माग ।
१२.(प्रमाण देखाउ)
कालापानीबाट भारतीय सैनिक फिर्ता लैजान प्रधानमन्त्री केपी शर्मा ओलीको आग्रहपछि भारतीय राजनीतिक तहबाट प्रतिक्रिया आउन थाल्यो / कालापानी क्षेत्र भारतको हिस्सा भएको र त्यो सधैँ भारतमै रहने उत्तराखण्डका मुख्यमन्त्री त्रिवेन्द्रसिंह रावतको तर्क ।
१३.(ऐतिहासिकताको शुभकामना)
आसन्न १३ औ दक्षिण एशियली खेलकुद (साग)मा सहभागि हुने खेलाडीको अभ्यास पूरा / मंसिर १५ देखी २४ गतेसम्म नेपालमा आयोजना हुने खेलमा नेपालले पदकका हिसावले सागलाई ऐतिहासिक सफल बनाउने राखेपको दावी ।
१४.(हा¥यौं हामी)
घरेलु रंगशाला तयार नहुँदा भुटानमा खेलिएको विश्वकप छनोट अन्तर्गत दोस्रो चरणको पाँचौ खेलमा नेपाल कुवेतसँग १–० ले पराजित / नेपालले अर्को खेल चाईनिज ताईपेईसंग मंसिर १० गते खेल्ने ।
र,
१५.(फेरिए प्रहरी प्रमुख)
छ महिनादेखि प्रदर्शन र विरोध भइरहेको हङकङमा नयाँ प्रहरी प्रमुख नियुक्त / मानिसहरुले प्रहरीमाथि मात्रै औंला उठाएको र हिंसाबारे आँखा चिम्लेकोप्रति नयाँ प्रहरी प्रमुखद्वारा चिन्ता व्यक्त ।
