३ मंसिर, विराटनगर ।
लायन्स क्लब अफ विराटनगर सिटीले एकै दिनमा एक दर्जन बढी सामाजिक काम गरेको छ । उक्त क्बलले मंगबलार एकै दिन १३ वटा सामाजिक काम गरेको हो । क्बलका अध्यक्ष घनश्याम पोखरेलका अनुसार ग्रामिण बस्तीमा पुगेर एकै दिन १३ वटा सामाजिक कामहरू गरिएको हो ।
लायन्स क्लब अफ विराटनगर सिटीले मोरङको सुनवर्सी ७ स्थित शान्ति क्षेत्र आधारभूत विद्यालयमा आयोजना गरेको निःशुल्क आँखा शिविरमा ७ सय ७६ जनाले आँख जाँच गराएका छन् । आँखा जाँच गराएका मध्ये ३२ जनाको मोतियाबिन्धु भेटिएको क्लबका अध्यक्ष पोखरेलले जानकारी दिए । मोतियाबिन्धु भेटिएका विरामीहरूको निःशुल्क शल्यक्रिया रामलाल आँखा अस्पतालमा गरिने भएको छ । सोही दिन मधुमेह जाँच पनि सम्पन्न भएको छ ।
त्यस्तै उच्च रक्तचाप जाँचमा १ हजार १ सय ११ जनाले परीक्षण गरेका छन ।यसैगरी दृष्टि सचेतना कार्यक्रम पनि सम्पन्न भएको छ । स्थानिय अभिभावक र विद्यार्थी गरि ३ सय ५० जना विद्यार्थीलाई जानकारी गराईएको थियो ।यस्तै विद्यालय सरसफाइ सम्बन्धी जनचेनना कार्यक्रम पनि गराइएको पोखरेलले बताए ।
यसैगरी क्यान्सर सचेतना कार्यक्रममा २ सय ५१ जना स्थानीयलाई जानकारी गराइएको थियो । एकै आयोजना स्थलबाट गरिएको सामाजिक कार्यबाट करिब ३ हजार भन्दा बढीले सेवा पाएको उनले बताए । आगामी दिनमा झापा, मोरङ र सुनसरीका ग्रामिण क्षेत्रका बस्तीमा पुगेर सामाजिक कार्य गर्ने उनले बताएका छन् ।
