८ मंसिर, झापा ।
झापाको दमक नगरपालिका–१ स्थित रतुवा खोलामा बनाउदै गरेको नँया पुलको लागि खनेको खाल्डोको जमेको पानीमा पौडि खेल्ने क्रममा २ जना बालकको मृत्यु भएको छ ।
शनिबार दिउँसो ३ बजेको समयमा झापाको दमक नगरपालिका–१ बस्ने टेक बहादुर उपरकोटीको छोरा वर्ष ९ को आयुष उपरकोटि र पाँचथरको फाल्गुनन्द गाउँपालिका–५ घर भई हाल दमक नगपालिका–१ मा डेरा गरी बस्ने बिर बहादुर चेम्जुङको छोरा वर्ष १२ को मिषन चेम्जुङको पौडी खेल्ने क्रममा डुबेर मृत्यु भएको ईलाका प्रहरी कार्यालय दमकले जनाएको छ ।
प्रहरीको टोलीले घटनास्थल मुचूल्का तथा कानूनी प्रकृया पुरा गरेको उक्त कार्यालयले जनाएको छ ।
