१० मंसिर, काठमाडौं ।
स्वास्थ्यमा समस्या देखिएपछि प्रधानमन्त्री केपी शर्मा ओली अस्पताल भर्ना भएका छन् । उनी मंगलबार त्रिवि शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टर पुगेका हुन् ।
प्रधानमन्त्रीको एपेन्डिसाइटिसको शल्यक्रियाको तयारी गिरएको छ । उनलाई अहिले शल्यचिकित्सा कक्षा (ओटी) लगिएको त्रिवि शिक्षणा अस्पतालका चिकित्सक डा.अरूणा सायमिले बताइन् । उनको शल्यक्रिया डा.रमेशसिहं भण्डारीले गर्ने भएका छन् ।
प्रधानमन्त्री ओलीलाई चिकित्सकले अस्पतालमै भर्ना हुन सल्लाह दिएपछि उनी अस्पताल भर्ना भएको प्रधानमन्त्रीका प्रेस सल्लाहकार सूर्य थापाले जानकारी दिए ।
