१० मंसिर, धरान ।
नेपाल लियो नेतृत्व सम्मेलन धरानमा सम्पन्न भएको छ । पहिलो पटक धरानमा भएको सो सम्मेलन गएको मंसिर ६ र ७ गते बीपी कोइराला स्वास्थ्य विज्ञान प्रतिष्ठानको अडिटरिएम हलमा सम्पन्न भएको हो ।
युवाहरूमा प्रेरणा ,नेतृत्व विकास, व्यक्तित्व विकास,मानवअधिकार ,टिम निर्माण र समाजसेवाको महत्व बुझाउने उद्देश्यले सम्मेलन आयोजना गरिएको लियो १२ नम्बर जोनका चियरपर्सन समेत रहेका कार्यक्रम संयोजक बद्री कार्कीले जानकारी दिए। लियो क्लबमा आवद्ध देशभरका १ सय २० जना भन्दा बढी प्रतिनिधि सहभागी भएको सम्मेलनलाई डा. सन्देशदास श्रेष्ठ , लियो लायन कोर्डिनेटर कैलाश खाकी श्रेष्ठ ,पास्ट डिष्ट्रिक गभर्नर लायन लिलाराज ढुङेल , डिष्ट्रिक गभर्नर लायन ईन्द्र खत्री राजन ,युथ एक्टिभिष्ट अनुपमा बास्तोला लगायतले सहजीकरण गरेका थिए ।
लियो डिष्ट्रिक प्रेसिडेन्ट रन्जित भगतको सभापतित्वमा कार्यक्रम सम्पन्न भएको कार्यक्रम लियो डिष्ट्रिक काउन्सिल ३२५ ए वानको आयोजनामा अन्तराष्ट्रिय स्तरबाट स्वीकृत भए पछि दोस्रो पटक नेपालमा भएको हो । सम्मेलनको सहआयोजकका रुपमा लियो क्लब अफ विजयपुर , दन्तकाली ,घोपा युनाईटेड र धरान बुढासुब्बा रहेका थिए ।