१३ मंसिर, दैलेख । सुर्खेतबाट दैलेख तर्फ जाँदै गरेको हायस सुर्खेत-दैलेख सडकखण्डमा दुर्घटना हुँदा तीन जनाको मृत्यु भएको छ ।
सुर्खेतबाट दैलेखतर्फ जाँदै गरेको भे १ ज १०२९ नम्बरको हायस गुराँस गाउँपालिका–४ मंग्रामा दुर्घटना भएको हो ।
दुर्घटनामा परी तीन जनाको घटनास्थलमै मृत्यु भएको र अन्य सात जना घाइते भएका जिल्ला प्रहरी कार्यालय दैलेखले जनाएको छ ।
प्रहरीका अनुसार रानीमत्ता प्रहरी चौकीबाट गएको प्रहरी टोलीले स्थानीयको सहयोगमा घाइते उद्धार गरिरहेको छ । मृतक र घाइतेहरूबारे थप विवरण भने आउन बाँकी छ ।
