१५ मंसिर, मोरङ ।
मोरङको धनपालथान गाउँपालिका वडा २ मा वडाध्यक्ष पदका लागि भएको उपनिर्वाचनमा कांग्रेसका नारायणप्रसाद साह १ हजार ७ सय १ मत ल्याएर विजय भएका छन् ।
उनका निकटतम प्रतिद्वन्द्वी नेकपाका पंकजकुमार मण्डलले १ हजार ४ सय ९७ मत ल्याएको छ । साहलाई समाजवादी पार्टीलेसमेत समर्थन गरेको थियो ।
यसअघि उक्त वडामा तत्कालिन एमालेबाट निर्वाचित वडा अध्यक्ष बलराम मण्डल भगतको सर्पले टोकेर मृत्यु भएको थियो । कूल ४ हजार ७८ मतदाता रहेकोमा ३ हजार २ सय ८४ खसेको मतमध्ये ३८ मत बद्दर भएको थियो ।
