१५ मंसिर, पोखरा ।
पोखरा–२० मौजा बिसौनास्थित बाटो स्तरोन्नतीको क्रममा माटोको ढिस्कोले पुरिएका पाँचैजनाको ज्यान गएको छ।
भलामबाट मौजा पुग्ने सडकखण्डको स्तरोन्नतीका लागि ‘रिटेनिङ वाल’ लगाउने क्रममा कामदारलाई माथिबाट खसेको ढिस्कोले पुरेको हो । पाँचैजनाको शव निकालिएको कास्कीका प्रहरी उपरीक्षक दानबहादुर कार्कीले जानकारी दिए।
ढिस्को खस्दाखस्दै दुईजना भाग्न सफल भएका थिए । पुरिएका पाँचजनालाई जीवितै उद्धार गर्ने प्रयास गरिए पनि सफल हुन नसकेको वडाध्यक्ष सिम गुरुङले जानकारी दिए ।
मृत भेदिएका पाँचैजना सल्यानको जिल्फाबाट कामका लागि उनीहरु त्यहाँ आएका थिए । ढिस्कोले पुरिएर ज्यान गुमाउनेमा खिमलाल वली, गणेश वली, जित बहादुर बस्नेत, जोगेन्द्र बुढाथोकी र तोभान बस्नेत रहेको जिल्ला प्रहरी कार्यालय कास्कीका एसपी दानबहादुर कार्कीले जानकारी दिए ।
