१८ मंसिर, धरान ।
धरान उपमहानगरपालिकाका नवनिर्वाचित मेय तिलक राईले पदभार सम्हालेका छन् । गत शनिबार सम्पन्न उपमहानगरपालिकाको उपनिर्वाचनमा निर्वाचित भएका उनले बुधबार पदभार सम्हाल्दै भ्रष्टचारमुक्त गरि समृद्ध धरान निर्माणमा आफू लागिपर्ने बताए ।
उनले सचारकर्मीसँग कुरा गर्दै चुनावी प्रचारप्रसारको समयमा बनाइएका चुनावी एजेण्डालाई अक्षरस पालाना गर्ने बताए। उनले भने,‘चुनावी एजेन्डका वस्तुमाथि खरो रुपले उत्रिन्छु। तर त्यसमा स्थानीयको दरो सहयोग रहनुपर्छ।’
राईले स्थानीय सरकार संचालनमा सरकार र प्रतिपक्ष नहुने भएको भन्दै सबै जनप्रतिनिधिसँग मिलेर काम गर्ने पनि बताए। मेयर राईले धरानमा यस अगाडी गरिएका राम्रा कामलाई निरन्तरता दिँदै नराम्रा कामलाई सुधार गर्दै अगाडी बढाइने बताए। उनले धरानको बसपार्क निर्माण, विमानस्थल निर्माणको काम तत्काल अगाडी बढाउने बताए। उनले सर्दु जलाधारको संरक्षण गरि अधुँरो रहेको खानेपानी आयोजनाको चाँडै सम्पन्न गरि धरानवासीलाई प्रर्याप्त खानेपानी उपलब्ध गराउने बताए।
पदभार सम्हाल्नु अघि मेयर राईले धरान १६ स्थित गणेशमान सिंहको शालिक र धरान १९ स्थित धरानका पूर्व मेयर तारा सुब्बाको शालिकमा माल्यार्पण गरका थिए ।
२०७५ सालसाउन १ गते धरानका तत्कालिन मेयर तारा सुब्बाको निधन भएपछि रिक्त रहेको मेयरको उपनिर्वाचनमा राई कांग्रेसका तर्फबाट निर्वाचित भएका हुन्।
