२१ मंसिर, काठमाडौँ ।
१३ औं दक्षिण एसियाली खेलकुद अन्तर्गत शनिबार भएको महिला १०० मिटर ब्याकस्ट्रोक पौडी खेलमा नेपालकी पौडीबाज गौरिका सिंहले स्वर्ण पदक जित्नबाट चुकेकी छिन् । भारतकी मन्ना राजीव पटेलले उनलाई पछि पार्दै स्वर्ण जितेपछि गौरीकाले रजत पदकमै चित्त बुझाइन् ।
उनले निर्धारितदूरी १ मिनेट ३.१५ सेकेण्डमा पार गरिन्। खेलमा निर्धारित दूरी १ मिनेट २.३५ सेकेण्डमा पार गर्दै मन्ना राजीव पटेलले स्वर्ण पदक जितिन्।बिहीबार र शुक्रबार गौरिका सिंहले क्रमस फ्रिस्टाएल र व्याकस्ट्रोकमा स्वर्ण जितेकी थिइन्। उनलाई आजपनि स्वर्ण दाबेदारका रुपमा हेरिएको थियो ।
