२७ मंसिर, जनकपुरधाम ।
किसानसँग मलको निर्धारित मूल्यभन्दा बढि रकम लिने एक जना व्यापारीलाई प्रहरीले पक्राउ गरेको छ । ठगी कार्यमा संलग्न अर्का एक जना फरार रहेको प्रहरीले जनाएको छ।
पक्राउ पर्नेमा धनुषा जिल्लाको धनुषाधाम नगरपालिका वडा नं. ३ धनुषाधाममा पसल संचालन गरेका स्थानीय ३५ वर्षीय संजिव कुमार साह तेलीरहेका छन् । उनीसँगै ठगी कार्यमा संलग्न व्यापारी रामबाबु प्रसाद यादव फरार भएका छन् ।
दुवै व्यापारीले निर्धारित मूल्यभन्दा बढि रकम लिइरहेको सूचनाको आधारमा धनुषाधाम बजारमा रहेको रामबाबु प्रसाद यादवको सफल कृषि भण्डार र संजिव विउ र संजिव बिज भण्डारमा गएर संचालकसहित मल बरामद गरेको धनुषाका प्रहरी नायव उपरीक्षक रामेश्वर कार्कीले बताएका छन् ।(रासस)
