२ पुस, काठमाडौं ।
नेपाल आयल निगमले पेट्रोलियम पदार्थको मूल्य समायोजन गरेको छ।
मंगलबार रातिबाट लागू हुनेगरी निगमले डिजल र मट्टीतेलको मूल्य प्रतिलिटर एक रुपैयाँ बढाएको छ। पेट्रोल, हवाई इन्धन र खाना एलपी ग्यासको मूल्य भने यथावत छ।
अन्तर्राष्ट्रिय बजारमा मूल्य बढेकाले समायोजन गरिएको निगमका प्रवक्ता वीरेन्द्र गोइतले बताए।
नयाँ मूल्य अनुसार अब डिजेल र मट्टीतेलको खुद्रा मूल्य डिपो र बिक्री बिन्दुदेखि १५ किलोमिटर क्षेत्रभित्र ९८ रुपैयाँ प्रतिलिटर कायम भएको छ।
