२ पुस, पोखरा ।
नेपाली क्रिकेट टिमका कप्तान ज्ञानेन्द्र मल्लले पोखरा प्रिमियर लिग (पीपीएल)मा पहिलो शतक आफ्नो नाममा लेखाएका छन् । बुधबार धनगढी ब्लुजविरुद्ध काठमाडौं गोल्डेन वारियर्सका कप्तान ज्ञानेन्द्रले विष्फोटक ब्याटिङ गर्दै ३७ बलमै शतक प्रहार गरेका हुन् । यो नेपालको घरेलु क्रिकेटमा सबैभन्दा छिटो शतकको कीर्तिमान हो भने पीपीलएकै पहिलो शतक हो ।
मल्ल चौथो नम्बरमा ब्याटिङ गर्न आएका थिए । आफ्नो विष्फोटक इनिङमा मल्लले ८ छक्का र नौ चौका प्रहार गरे । सुरुबाटै उनले विपक्षी बलरहरुमाथि आक्रमण गर्न थालेका थिए । भारतीय ब्याट्सम्यान जयकृष्णन कोल्सावालसँग मल्लले ५६ बलमा १३० रनको साझेदारी गरेका थिए ।
शतक प्रहार गरेलगत्तै मल्ल कमल सिंह ऐरीको बलमा आउट भए । उनको इनिङको मद्दतले काठमाडौंले निर्धारित १७ ओभरमा १८५ रनको विशाल योगफल खडा गरेको छ ।
