७ पुस, विराटनगर।
सोमबार बिहान सुनसरीको भोक्राह नरसिंह ५ स्थित पूर्वपश्चिम राजमार्गमा भएको सडक दुर्घटनामा एक जनाको मृत्यु र ४ जना घाइते भएका छन् ।
ना.७ ख ३५५३ नम्बरको मालबाहक ट्रकसँग एम्बुलेन्स ठोक्किँदा ५० वर्षीय चेतबहादुर विष्टको मृत्यु भएको जिल्ला प्रहरी कार्यालय सुनसरीले जनाएको छ।
उदयपुर चौदण्डीगढी निवासी विष्ट स.१ ज ४९६ नम्बरको एम्बुलेन्समा सवार थिए। प्रहरीका अनुसार एकैदिशातर्फ अघि बढिरहेको ट्रकलाई पछाडिबाट एम्बुलेन्सले ठक्कर दिएको थियो।
एम्बुलेन्स चालकसहित सवार चार जना घाइते भएकोमा तीन जनाको नोबेल अस्पताल विराटनगर र चालकको जिल्ला अस्पताल ईनरुवामा उपचार भइरहेको प्रहरीले जनाएको छ ।
