१० पुस,काठमाडौँ ।
सुनसरीको धरान उपमहानरपालिका–१५ मा श्रीमानको कुटपिटबाट श्रीमतीको मृत्यु भएको छ । बुधवार राती साढे ८ बजेको समयमा ४३ बर्षीय काजीमान राई र ३६ बर्षीय रमिला राई बिच घरायशी बादविबाद भई कुटपिट समेत हुँदा श्रीमती घाईते भएकी थिईन् ।
घाईतेलाई उपचारको लागि बि.पी.कोईराला स्वास्थ्य बिज्ञान प्रतिष्ठान घोपा लगिएकोमा उपचारको क्रममा राती पौने ९ बजे मृत्यु भएको ईलाका प्रहरी कार्यालय धरानले जनाएको छ ।
घटनाको जानकारी पाए लगत्तै उक्त कार्यालयबाट खटिएको प्रहरी टोलीले श्रीमती हत्यामा संग्लग्न रहेका राईलाई पक्राउ गरेको छ । घटनाबारे थप अनुसन्धान भईरहेको जनाईएको छ ।
