११ पुस, इटहरी।
आफ्नै महिला अनुयायीमाथि बलात्कारको आरोप लागेका सिद्धबाबा भनिने कृष्णबहादुर गिरीको बयान सकिएको छ । शुक्रबार सुनसरी जिल्ला अदालत इनरुवामा गिरीको बयान लिइएको हो ।
बयानका क्रममा आरोपित गिरीले आफूविरुद्धका आरोपलाई अस्वीकार गरेका छन् । आरोपितसँग जिल्ला न्यायाधीश राधाकृष्ण उप्रेती इजलासमा बयान लिने काम सकिएको सरकारी वकिलको तर्फबाट नेतृत्व गरिरहेका गोकुल निरौलाले बताए । बयान लिने काम सकिएकाले अब आइतबार बिहान १० बजेबाट थुनछेक बहस सुरु हुने निरौलाले जानकारी दिए ।
विराटनगरस्थित अस्पतालमा भर्ना रहेका कृष्णदासलाई एम्बुलेन्समा राखी अदालत उपस्थित गराइएको थियो । बयानका क्रममा पीडित महिलाको पक्षबाट भने उनकी दिदी अदालत पुगेकी थिइन । अदालतमा बाबाको बयान चलिरहदा बाहिर कृष्णदासको सर्मथनमा भेला भएका अनुयायीहरुले सीतारामको जाप थालेका थिए भने पीडित महिलाको पक्षमा समेत नाबाराजी गरेका थिए ।
महिला अधिकारका क्षेत्रका कार्यरत संघसंस्थाको अगुवाईमा कृष्णदासलाई कार्वाहीको माग गर्दै नाराबाजी गरेका हुन् ।
