२२ पुस, काठमाडौँ ।
काठमाडौंबाट पक्राउ परेका १ सय २२ जना चिनियाँलाई नागरिक ४ वर्ष नेपाल आउन नपाउने गरी प्रतिवन्ध लगाइएको छ । उनीहरुले अध्यागमन कानुन उल्लंघन गरेबापत जनही १ हजार रुपैयाँका दरले जरिवाना पनि गरिएको छ ।
अध्यागमन स्रोतले भन्यो ‘चिनियाँ नागरिकलाई पर्यटक भिसा दुरुपयोग, सन्दीग्ध गतिविधि र राहदानी विनै बसेको आरोपमा दोषी देखाउँदै ४ वर्षका लागि निस्कासन गर्ने निर्णय भएको छ,’। चिनियाँलाई गरिएको सजायबारे विभागले औपचारिक रुपमा बाहिर ल्याएको छैन । विभागले तयार पारेको सजायसम्वन्धि प्रस्तावमा महानिर्देशक इश्वरराज पौडेलले प्रमाणीत गर्न बाँकी छ ।
नेपालस्थित चिनियाँ राजदूताबासका अधिकारी जरिवाना बापतको १ लाख २२ हजार रुपैया लिएर आएको स्रोतले बतायो । निस्कासन प्रक्रिया मंगलबार नै सकिने रबुधबार उनीहरुलाई चीन फिर्ता पठाउने गरी तयारी भएको अध्यागमन विभागका निर्देशक रामचन्द्र तिवारीले बताए ।
