२५ पौष, काठमाडौं । मकवानपुरको भीमफेदी गाउँपालिका-९ अघोरमा कार दुर्घटना हुँदा एक भारतीय नागरिकको मृत्यु भएको छ ।
रगञ्जबाट काठमाडौंतर्फ जाँदै गरेको पर्यटक बोक्ने बा १ य १२८३ नम्बरको कार बिहीबार राति साढे १ बजे अनियन्त्रित भई सडकबाट २० मिटर तल खसेको थियो ।
दुर्घटनामा परी भारतीय नागरिक ४५ वर्षीय सन्तोषसल्वा कुमारको मृत्यु भएको छ । दुर्घटनाबाट गम्भीर घाइते भएका उनको शुक्रबार बिहान हेटौंडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनाबाट भारत घर भएका अन्दाजी २४ वर्षीया गोपिकानन्द स्वामी र २३ वर्षीया लल्मी साहिटी गरी दुई जना घाइते भएका छन्। प्रहरीका अनुसार, उनीहरूमध्ये एक जना गम्भीर घाइते भएका छन्। उनीहरूको हेटौंडा अस्पतालमा उपचार भइरहेको छ ।
प्रहरीले गाडी चालकलाई नियन्त्रणमा लिई घटनाको विषयमा थप अनुसन्धान भइरहेको जनाएको छ । (रासस)
