२६ पौष, मोरङ । १ नम्बर प्रदेश अन्तर्गतका ३ छुट्टा छुट्टै स्थानमा सवारी दुर्घटनामा ३ जनाको मृत्यु भएको छ । शुक्रबार राति झापाको मेचीनगर नगरपालिका ७ ईटाभट्टा चोक छेउमा पश्चिमबाट पूर्ब तर्फ आउँदै गरेको मे ४ प ९३१३ नंबरको मोटरसाईकललाई यूपि २५ डी १६९३ नम्बरको ट्रकले ठक्कर दिएको थियो ।
ठक्करबाट मोटरसाईकल चालक बारा काँकडी ७ बस्ने बर्ष ४० को रामप्रसाद यादबको घटनास्थल मै मृत्यु भएको थियो । ठक्कर दिने ट्रक र ट्रक चालक भारत मधुबनी बस्ने वर्ष ४८ को नरेशकुमार यादब ईलाका प्रहरी कार्यालय काँकडभिट्टाको नियन्त्रणमा रहेका छन् ।
यसैगरी झापाकै दमक नगरपालिका ४ कृष्ण मन्दिर अगाडी पूर्व पश्चिम राजमार्गमा शनिबार बिहान पूर्वबाट पश्चिम तर्फ जादै गरेको मे१क ६४९ नम्बरको टिपरले स्थानीय बर्ष ६९ की तुलसा गौतमलाई ठक्कर दिएको थियो ।
ठक्करबाट उनको घटनास्थलमै मृत्यु भएको थियो । ठक्कर दिने टिपर र टिपर चालक मोरङको मिक्लाजुङ गाउँपालिका ९ बस्ने ४० वर्षका कृष्णबहादुर श्रेष्ठलाई नियन्त्रणमा लिएको इलाका प्रहरी कार्यालय उर्लावारीले जनाएको छ ।
त्यस्तै धनकुटाको चौबिसे गाउँपालिका ८ एसपीमोर्ड स्थित भेडेटार स्थित बुधबारे सडक खण्डमा टेलर दुर्घटना हुँदा सहचालकको मृत्यु भएको छ ।
शनिबार विहान ना.७ ख. ७९१७ नम्बरको टेलरमा स्काईभेटर लोड गरी राजारानी धनकुटा बाट छ नम्बर बुधबारे जादै गर्दा ट्रनिङ मोर्डने क्रममा टेलरअनियन्त्रित भई सडकको छेऊमा पल्टदा ३५ वर्षका सहचालक राजकुमार राईलाई सोही टेलरले किच्दा उनको घटनास्थलमै मृत्यु भएको थियो ।
टेलर चालक संखुवासभाको धर्मदेवी नगरपालिका ९ आँखिभुई बस्ने बर्ष ३१ को बिन्दुराज महत ईलाका प्रहरी कार्यालय राजारानीको नियन्त्रणमा रहेका छन् ।
