२८ पुस, झापा ।
झापाको बाह्रदशी गाउँपालिका–३ स्थित राजगढ बजारमा सोही गाउँपालिका ४ चकचकी बस्ने स्थानिय व्यापारी अरफाक आलमसँग नक्कली प्रहरी बनेर ठगी गर्ने २ जनालाई प्रहरीले पक्राउ गरेको छ ।
सोमबार दिउँसो साढे १२ बजे गौरीगंञ्ज गाउँपालिका १ बस्ने वर्ष २८ का पर्शुराम महतो र सोही गाउँपालिका ३ बस्ने वर्ष २० का जिवन दासले आफुहरु १ नम्बर प्रदेश प्रहरी कार्यालय बिराटनगरको सिआइबी प्रहरी भएको भन्दै आलमसंग ७ हजार रुपैँया असुली गरेका थिए । घटनाबारे स्थानीयलाई शंका लागे पछी इलाका प्रहरी कर्यालय राजगढमा खबर गरेका थिए ।
घटनाको जानकारी पाउनासाथ उक्त स्थान तर्फ खटिएको प्रहरीको टोलीले दुबैजनालाई नियन्त्रणमा लिएको हो । पक्राउ परेका दास र महतोलाई जिल्ला प्रहरी कार्यालय झापामा र्पुयाएको छ भने घटनाबारेमा थप अनुसन्धान भईरहेको प्रहरीले जनाएको छ ।
