७ माघ, धादिङ ।
धादिङको ज्वालामुखी गाउँपालिका ४ ढोलामण्डलीको दर्शन गरेर फर्किदै गरेका यात्रु चढेको ट्रक निलकण्ठ नगरपालिका–८ मा दुर्घटना हुँदा ७ जनाको मृत्यु भएको छ। ढोलामण्डलीमा लागेको मेला दर्शन गरेर फर्किदै गरेका ४५ जना यात्रु सवार ग १ ख ८०१२ नम्बरको मिनी ट्रक मंगलबार दुर्घटना हुँदा ७ जनाको मृत्यु भएको हो।
दुर्घटनामा परी ६ जनाको घटनास्थलमै मृत्यु भएको १ जनाको उपचारको क्रममा क्रममा जिल्ला अस्पतालमा मृत्यु भएको प्रहरीले जनाएको छ ।मृतकको सनाखत भईनसकेको जिल्ला प्रहरी कार्यालय धादिङका एसपी रवीन्द्र रेग्मीले बताए । उनले दुर्घटनामा गम्भीर घाइते १५ जनालाई उपचारका लागि काठमाडौं पठाईएको र अन्य घाइतेको जिल्ला अस्पतालमा उपचार भइराखेको जानकारी दिए ।
प्रत्यक्षदर्शी विजय अधिकारीका अनुसार तीब्र गतिका कारण दुर्घटना भएको हो। मिनी ट्रकमा ढोला मण्डलीमाईको दर्शन गर्न गएका निलकण्ठ नगरपालिका–२ भुलभुलेका बासिन्दा चढेको प्रहरीले बताएको छ ।
