११ माघ, काठमाडौँ ।
सहिद स्मारक ‘ए’ डिभिजन लिग अन्तर्गत आठौं चरणका खेलहरु सकिएका छन् । लिग अन्तर्गत शनिबार दुई खेल भएका थिए । दशरथ रंगशालामा भएको पहिलो खेलमा त्रिभुवन आर्मी क्लब न्यूरोड टीम एनआरटीसँग बराबरी खेलेको छ ।
शीर्ष स्थानको मनाङले बराबरीसँगै तीन अंकले लिग लिड गर्ने अवशर गुमायो । खेला गोल रहित बराबरीमा टुंगिएको हो । एनआरटी १० खेलाडीमा सिमितत रहेपनि आर्मीले गोल गर्न सकेन् । खेलको १६ औं मिनेटमा आर्मीका लागि जर्ज प्रिन्स कार्कीले डिबक्सको बाहिरबाट प्रहार गरेपनि एनारटीका गोल किपरले बचाउ गरेका थिए ।
आर्मीका सन्तोष तामाङले फ्रिकिक मार्फत गोलको प्रयास गरेका थिए , तर सफल भएन् । एनआरटीले पनि गोलका लागि पाएको अवशर सदुपयोग गर्न सकेन् । खेलको इन्जरी समयमा जुनियर निेकनगुएले रातो कार्ड पाएपछि एनआरटी १० खेलाडीमा सिमित रहेको थियो । खेलमा एनआरटीका अजित प्रजापति म्यान अफ दि म्याच भएका छन् ।
आजको बराबरीसँगै आर्मीले १७ अंक जोडेको छ । दोस्रो स्थानमा रहेका मछिन्द्र क्लबको १६ अंक छ । एनआरटी १२ अंकसहित पाँचौ स्थानमा रहेको छ । शनिबार भएको अर्को खेलमा संकटा क्लबले फ्रेन्ड्स क्लबलाई पराजित गरेको छ । दशरथ रंगशालामै भएको खेलमा संकटालाई जित दिलाउन अजयी मार्टिन्सले खेलको ६४ औं मिनेटमा गोल गरे । उनले सुवास गुरुको कर्नरमा हेड गोल गरेका थिए । खेलमा संकटाका लक्ष्मण रुचाल म्यान अफ दि म्याच घोषित भए । जितसँगै संकटा १२ अंक जोड्दै तालिकाको सातौ स्थानमा उक्लिएको छ । फ्रेन्स ८ अंकसहित तालिकाको १२ औं स्थानमा रहेको छ ।
