१२ माघ, बेलबारी ।
सडक यात्रालाई सहज बनाउने उद्धेश्यले मोरङका विद्यार्थीहरुले सडकमा जेब्रा क्रसिङ निर्माण गरेका छन् । जेब्रा क्रसिङ हुदा बाटो काट्न सहज भई सडक दुर्घटनाको जोखिम कम हुने भन्दै विद्यार्थीहरुले जेब्रा क्रसिङ निर्माण गरेका छन् ।
बेलबारी क्याम्पसका अनेरास्ववियु क्याम्पस कमिटीमा आवद्ध विद्यार्थीहरुले बेलबारी सिसौली चौक हाइवेमा जेब्रा क्रसिङ निर्माण गरेका हुन् । विद्यार्थी भेला तथा जेब्रा क्रसिङ निर्माण कार्यक्रममा अन्य संघ–संगठन बाट अनेरास्ववियुमा प्रवेश गरेका २५ जनालाई स्वागत पनि गरिएको थियो ।
विद्यार्थी नेता विष्णु यादवको प्रमुख आतिथ्यतामा भएको कार्यक्रममा अनेरास्ववियु मोरङ संयोजक सन्तोष घिमिरे र केन्द्रीय सदस्य ताजिम अन्सारी लगायतको सहभागिता रहेको थियो ।
