१६ माघ, सुर्खेत । टिप्परको ठक्करबाट ज्यान गुमाएका युवाका आफन्तले राहतको माग गर्दै बिहीबार सवारी आवतजावत गर्न दिएका छैनन् ।
उनीहरुको विरोध प्रदर्शनका कारण बिहानैदेखि सुर्खेतमा गाडी चलेका छैनन् भने सुर्खेत हुँदै बाहिरिने गाडी पनि रोकिएका छन् । ठक्कर दिने टिप्पर धनी सम्पर्कमा नआएकाले पीडित परिवारसँग वार्ता हुन नसकेको सुर्खेतका प्रमुख जिल्ला अधिकारी बसन्त अधिकारीले जानकारी दिए ।
गएको मङ्गलबार वीरेन्द्रनगरमा टिप्परको ठक्करबाट कालिकोटका केशरबहादुर सिंहको ज्यान गएपछि आफन्तले प्रदर्शन गरिरहेका छन् ।
