१६ माघ, काठमाडौं । कतार एयरवेज शहीद स्मारक ए डिभिजन लिग फुटबलमा आज नवौं चरणका खेलहरु सकिनेछन् ।
आज पहिलो खेलमा मध्यान्ह १२ बजे दशरथ रंगशालामा फ्रेन्ड्स क्लब र च्यासल युथ क्लब भिड्नेछन् ।
यसैगरी दोस्रो खेलमा दिउँसो ३ बजे रंगशालामै न्युरोड टिम (एनरआरटी)ले ब्रिगेड ब्वाइज क्लब (बिबिसी)सँग खेल्नेछ ।
आजका खेलहरुले अंक तालिकाको शीर्ष ३ स्थानमा कुनै फेरबदल ल्याउने छैन । ९ खेलबाट २० अंक जोडेको त्रिभुवन आर्मी क्लब तालिकाको शीर्ष स्थानमा रहेको छ ।
दोस्रो स्थानको मच्छिन्द्र क्लब तथा तेस्रो स्थानको मनाङ मस्र्याङ्दी क्लबको समान १९ अंक छ ।
हिजो भएको खेलमा मनाङले संकटा क्लबलाई ३–० ले हरायो ।
नवौं चरणका खेलहरु सकिन लाग्दा शहीद स्मारक ए डिभिजन लिग फुटबलको उपाधि होड रोचक बन्दै गएको छ ।
