२१ माघ, विराटनगर ।
विराटनगरबाट अवैध सुनसहित एक जना भारतीय पक्राउ परेका छन् ।
विराटनगर–१७ रानी भन्सार गेटबाट भारतको विहार राज्य कटिहार ग्रामपञ्चायत वडा नं. २० बस्ने ६२ वर्षीय चन्दन भौमिकलाई जिल्ला प्रहरी कार्यालय मोरङको टोलीले पक्राउ गरेको हो ।
भौमिकले अवैध रूपमा भन्सार छलि नेपालबाट भारततर्फ लाँदै गरेको ९२.५२० ग्रामको २ वटा सुनको चुरा पनि प्रहरीले बरामद् गरेको जिल्ला प्रहरी कार्यालय मोरङका डिएसपी मानबहादुर राईले जानकारी दिए ।
