२५ माघ, काठमाडौँ ।
डिल्लीबजार मालपोत कार्यालयले ललिता निवासका दुई जग्गाधनीको जग्गा सरकारका नाममा खिचेको छ ।
चौतर्फी प्रश्न उठेपछि भूमिसुधार तथा व्यवस्था मन्त्रालयको निर्देशनमा उक्त कार्यालयले नेकपाका महासचिव विष्णु पौडेलका छोरा नवीन र सर्वोच्च अदालतका न्यायाधीश कुमार रेग्मीको जग्गा सरकारका नाममा खिचेको हो ।
उनीहरुको हकमा मात्रै जग्गा फिर्ता भएको मालपोत स्रोतको जनाएको छ ।ललिता निवास प्रकरणमा अख्तियार दुरुपयोग अनुसन्धान आयोगले दर्ता गरेको भ्रष्टाचार मुद्दामा यी दुईलाई मुद्दा नचलाइएको भन्दै विरोध भइरहेको छ।
उनीहरुलाई अख्तियारका अधिकारीसँग जग्गा सरकारका नाममा गर्ने बताएपछि मुद्दा नचलाइएको अख्तियारले प्रेस विज्ञप्तिमा जनाएको थियो।
