४ फागुन, विराटनगर ।
मोरङको रतुवामाई–१ कल्याणपुर स्थित भित्री सडक खण्डमा मोटरसाईकल दुर्घटनामा परी रतुवामाई–१ सोनापुरका २२ बर्षीय आबिद मिँयाको मृत्यु भएको छ।
शनिबार राती साढे ९ बजे को २७ प ४६५० नम्बरको मोटरसाईकल सोही स्थान बाटोमा बिग्रिएर पार्किङ गरी राखेको को २ त २८०० नम्बरको ट्रयाक्टरमा ठोक्किएर दुर्घटना हुँदा मियाँ गम्भीर घाईते भएका थिए ।
उनको उपचारको क्रममा रंगेली अस्पतालमा राती ११ बजे मृत्यु भएको जिल्ला प्रहरी कार्यालय मोरङले जनाएको छ ।
