९ फागुन, विराटनगर ।
विराटनगरमा चोरीको घटनामा सुरक्षा गार्ड पक्राउ परेका छन् ।
विराटनगर ५ चाँदनी चोक स्थित राष्ट्रिय मानव अधिकार आयोग १ नं. प्रदेश कार्यालयको माथिल्लो तलामा बस्ने बसन्ती विष्ट जोशीको कोठाको दराजमा राखेको सुनका गरगहनाहरू चोरी गरेको अभियोगमा राष्ट्रिय मानव अधिकार आयोगकै सुरक्षा गाडी पक्राउ परेका हुन् ।
जोशीको कोठाबाट हराएका गहनाहरु मंगलशुत्र सहितको प्याण्डल १ वटा, तिलहरी १ वटा, औठी २ वटा, वाला २ वटा, टप कानमा लगाउने झुम्का १ सेट समेत चोरी गरी लगेको अभियोगमा विराटनगर १ बस्ने बर्ष ३३ का सोही कार्यालयमा सुरक्षा गार्डको रूपमा काम गर्ने शेरसिंह दर्लामी मगरलाई प्रहरीले पक्राउ गरेको हो ।
हराएका गरगहना मध्ये मंगल सुत्र १ वटा, औठी १ वटा र तिलहरी १ वटा सहित मगरलाई उनकै घरबाट पक्राउ गरिएको प्रहरीले जनाएको छ । मगरको स्थायी घर कन्चनपुर जिल्ला बेदकोट नगरपालिका ७, गाउजी रहेको प्रहरीले जनाएको छ ।
