९ फागुन, दोलखा । दोलखाको कालिञ्चोक गाँउपालिका ९ सुन्दरावतिमा यात्रुबाहक बसको ठक्करबाट एक बालकको ज्यान गएको छ।
शिवरात्रिका अवसरमा पुजन थामी नाम गरेका बालक आफ्ना साथीहरुसँग डोरी टाँगेर बाटोमा बसेका थिए ।
११ बजेतिर हुइँकेर आएको बा ४ ख ५८०९ नम्बरको बसले थामीलाई ठक्कर दिएको हो ।
बसले ठक्कर दिँदा बालकको घटनास्थमै मृत्यु भएको जिल्ला प्रहरी कार्यालय दोलखाका प्रहरी निरीक्षक रेशम बोहराले बताए ।
प्रहरीले बसका चालकलाई पक्राउ गरेको र घटनाबारे थप अनुसन्धान भइरहेको निरीक्षक बोहराले बताए ।
