१५ फागुन, एजेन्सी ।
युरोपेली च्याम्पियन्स लिग अन्तिम १६ पहिलो लेगमा बुधबार राति रियल म्याड्रिडलाई २–१ ले हराउँदै म्यानचेस्टर सिटीले बाजि मार्यो।
इंग्लिस च्याम्पियनले रियललाई उसकै घर बर्नाबाउमा हराएको हो । सिटीले खेलको अन्तिम १२ मिनेटमा दुई गोल गरेको थियो । ग्याब्रिएल जेसस र केभिन डे ब्रुनले गोल गरे । सिटीले कीर्तिमान १३ पल्टको युरोपेली विजेतालाई हराएको यो इतिहासमै पहिलो पल्ट हो ।
दोस्रो लेग सिटीको घर इतिहाडमा हुँदा रियलसँग कप्तान सर्जियो रामोस पनि हुने छैन् । जेससलाई लडाएपछि उनलाई रातो कार्ड देखाइएको थियो ।
