१८ फागुन, विराटनगर । सुविधासम्पन्न सिनेमा हलमा घरपरिवार तथा साथीभाइसँग बसेर सिनेमा हेर्नुको मज्जा नै बेग्लै हुन्छ । त्यो अवसर सबैले कहाँ पाउँछन र ? टिकट महंगो भएर वा अन्य कारणले आफुमात्रै पनि छुटिरहेका हुन्छौँ । तर, अब तपाइँको त्यो गुम्सिएको चाहना र इच्छा विराटनगरको सेन्ट्रल मलमा रहेको स्तरीय सिनेमा हल सेन्ट्रल मल्टिप्लेक्सले पूरा गरिदिने भएको छ । त्यो पनि सित्तैमा भन्दा फरक पर्देन । गत वर्षदेखि सञ्चालनमा आएको सेन्ट्रल मलको एक वर्ष पूरा भएको अवसरमा सेन्ट्रल मल्टिप्लेक्समा यही फागुन २० गते मंगलबार १ रुपैँयामै फिल्म हेर्न पाईने भएको हो ।
सेन्ट्रल मलको प्रथम वार्षिक उत्सवको अवसरमा मंगलबारका सबै शोहरुमा एक रुपैँयामा सिनेमा हेर्न सकिने सेन्ट्रल मलका सिईओ मानसराज जोशीले जानकारी दिए । यो अफर प्राप्त गर्न भने अनलाईन तथा फोनमार्फत नभई त्यहीँ गएर टिकट काट्नुपर्ने उनले बताए ।
सिनेमाका लागि यति ठूलो अफर देशैभरीमा पहिलो रहेको सेन्ट्रल मलको दाबी छ । ग्राहकका लागि विभिन्न समयमा यस्ता धेरै अफरहरु ल्याईसकेको सेन्ट्रल मलले वार्षिक उत्सवमा दैनिक उपभोग्य सामानदेखि लिएर खाद्यान्न, कपडा, इलेक्ट्रोनिक्समा पनि भारी छुट दिने जनाएको छ ।
मलले १७ गते ५०० भन्दा बढीको सामान खरिदमा एउटा मूमि टिकट निःशुल्क उपलब्ध गराएको छ । त्यसैगरी फागुन २० गते सम्पुर्ण गार्मेन्टस र सुज आईटममा ५० प्रतिशत छुट, किरानामा ५ प्रतिशत छुट, इलेक्ट्रोनिक्समा २० प्रतिशत छुट र विभिन्न गेमिङमा ५० प्रतिशतसम्म छुट दिईने सिईओ जोशीले बताए । त्यस्तै मलभित्र रहेका विभिन्न स्टोरमा ५० प्रतिशतसम्म छुटको व्यवस्था रहेको छ ।
सञ्चालनमा आएको छोटो समयमा नै ग्राहकको मन जित्न सफल सेन्ट्रल मलमा सामान किन्ने तथा मनोरन्जन लिनेहरुको दैनिक भीँड लाग्ने गरेको छ ।
