२२ फागुन, विराटनगर । पूर्वका मोरङ, झापा र इलामका तीन छुट्टाछुट्टै स्थानमा आगलागी हुदा घर,अन्नपात तथा धनमाल जली नष्ट हुँदा ७१ लाख ८० हजार बराबरको क्षति भएको छ ।
बुधबार साझँ इलाम फाकफोकथुम गाउँपालिका ६ फुस्रेमा रहेको तिनजुरे बोर्डिङ स्कुलको छात्राबासको २ तले घरमा बिद्युत सर्ट भई आगलागी हुँदा घर पुर्ण रुपमा जलेको छ ।
यस्तै घर भित्र रहेको नगद २ लाख ,५ तोला सुन, २ थान, ल्यापटप,४ थान कम्प्युटर लगायतका सामानहरु जलेर नष्ट हुदा ४४ लाख ८० हजार बराबरको क्षति भएको जिल्ला प्रहरी कार्यालय इलामले जनाएको छ ।
यसै गरी झापा कमल गाउँपालिका ५ मंगलबारे बजामा रहेको शेरबहादुर लिम्बुको घरमा ग्यास पड्की आगलागी हुदा घर तथा घर भित्र रहेको लत्ता कपडा ,भाडाकुडा लगायतका सामानहरु जलि नष्ट हुदा २० लाख बराबरको क्षति भएको छ ।
यस्तै मोरङ बेलबारी ११ भाङबारी बस्ने नरबहादुर तामाङको घरमा बिद्युत सर्टभई आगलागी हुदा अन्नपात,फर्निचर लगायतका सामानहरु जली नष्ट हुँदा ७ लाख बराबरको क्षति भएको छ ।
