२७ फागुन, काठमाडौं । नेपालसहित १४ देशका यात्रुलाई कतारले प्रवेश निषेध गरेपछि हिमालय एयरलाइन्सले कतारका सबै उडान रद्द गरेको छ ।
दैनिक उडान गरिरहेको हिमालयले उडान रद्द गरे पनि नेपाल एयरलाइन्सले भने कतार उडान जारी राखेको छ ।
नेपाल एयरलाइन्सले उताबाट आउने यात्रु भरिभराउ भएको भन्दै उडान जारी राखेको जनाएको छ ।
त्यस्तै कतार एयरवेजले पनि उडान जारी राखेको छ। उसले ट्रान्जिटका यात्रु लिने र उताबाट आउने यात्रुबाट उडान रोक्नुपर्ने अवस्था नआएको जानकारी दिएको छ ।
