२७ फागुन, विराटनगर ।
मोरङमा होली खेल्ने क्रममा सवारी नियम उल्लंघन गर्ने र झैँझगडा गर्ने ३ सय ४१ सवारी साधन र २६ जना मानिसलाई प्रहरीले नियन्त्रणमा लिएको छ ।
मंगलबार जिल्ला प्रहरी कार्यालय मोरङ तथा मातहत विभिन्न प्रहरी कार्यालयहरूले गरेको ट्राफिक समेतको चेकजाँचको क्रममा ती मानिसहरुलाई नियन्त्रणमा लिईएको जिल्ला प्रहरी कार्यालय मोरङले जनाएको छ ।
यस क्रममा विराटनगर महानगरपालिका भित्र ६१ वटा सवारी साधन र १८ जना मानिस पक्राउ परेका छन भने अन्य ईकाइबाट २ सय ८० र ८ जना मानिस पक्राउ परेको जिल्ला प्रहरी कार्यालय मोरङका डिएसपी मानबहादुर राईले जानकारी दिए ।
नियन्त्रणमा लिईएका सवारी साधन तथा व्यक्तिहरू उपर आवश्यक अनुसन्धान थालिएको प्रहरीले जनाएको छ ।
