१ चैत्र, विराटनगर ।
मोरङ प्रहरीले सवारी ज्यान मुद्दाका फरार प्रतिवादीलाई पक्राउ गरेको छ ।
२०७४ फागुन २९ गते दुई हजार जरिवानासहित ३ महिना कैद सजाय पाएका सवारी ज्यान मुद्दाका फरार प्रतिवादी मोरङ ग्रामथान ३ बस्ने बर्ष ३६ को शम्भु राजबंशीलाई प्रहरीले पक्राउ गरेको हो ।
यस्तै अदातलबाट दुई हजार जरिवाना र ७ दिन कैद सजाय पाएका कुटपिट मुद्दाका फरार प्रतिवादी मोरङ ग्रामथान २ बस्ने बर्ष ३० को प्रभु माझीलाई पनि बेलबारीबाट खटिएको प्रहरी टोलीले पक्राउ गरेको तथा उनीहरुलाई आवश्यक कारवाहीको लागि जिल्ला अदालत मोरङमा बुझाउने पहल भई रहेको प्रहरीले जनाएको छ।
