७ चैत, काठमाडौं । राष्ट्रियसभाको बैठक अर्को सूचना जारी नभएसम्मकालागि स्थगित भएको छ । राष्ट्रियसभाको बैठक शुक्रबार दिउँसो १ बजेका लागि बोलाइएको थियो ।
कोरोना भाइरसको संक्रमण रोक्न सरकारले २५ जनाभन्दा बढी भेला हुन रोक लगाएसंगै संक्रमणको जोखिमलाई मध्यनजर गर्दै बैठक स्थगित गरिएको संघीय संसदका सहायक प्रवक्ता दशरथ धमलाले जानकारी दिएका छन् ।
यसअघि बिहीबारको राष्ट्रियसभा बैठक सदस्यहरूको ज्वरो नापेरमात्र सञ्चालन गरिएको थियो । प्रतिनिधिसभाको पनि आजै बस्ने भनिएको बैठक एक साताका लागि सारिएको छ । अर्को बैठक १३ गते बस्नेछ ।
