७ चैत, विराटनगर । विश्वभर फैलिएर महामारीको रुप लिएको कोरोनाको संक्रमणबाट बच्नका लागि नेकपा विराटनगर वडा कमिटीले सचेतना कार्यक्रम गरेको छ ।
शुक्रबार कोरोना भाइरस (कोभिड–१९) संक्रमण हुन नदिन सावधानी अपनाउन, संक्रमण भइ हालेको अवस्थामा सुरक्षित रुपमा उपचार गर्ने बिषयमा जनचेतना अभिबृद्धी गर्न नेकपा बिराटनगर महानगर वडा न ८ कमिटीले जनचेतना कार्यक्रमको आयोजना गरेको हो ।
कार्यक्रममा कमिटीले वडाका बलुवाही विश्कर्र्मा चोक शान्ति चोक, हरिहर चोक, अशोक चोक र सुकुम्बासी टोल लगायतमा माक्स बितरण, सेनिटाइजर स्प्रे एबम पर्चा बितरण गरिएको छ । साथै आगामी दिनमा पनि यसलाई अन्य स्थानमा निरन्तरता दिने नेकपा वडा न ८ अध्यक्ष राम पोखरेलले बताए ।
बिराटनगर हाटखोला बसपार्क देखि देवकोटा चोकसम्म बसका मजदुर, यात्रु,उद्योगका कर्मचारी कामदार लगायत स्थानीयका बिच जनचेतना कार्यक्रम गरिएको उनले बताए ।
