४ जेष्ठ, काठमाडौं । अहिले जारी रहेको लकडाउनको अवधि भोली सोमबारदेखि सकिदैंछ ।
जारी लकडाउनबारे निर्णय गर्न प्रधानमन्त्री केपी शर्मा ओलीले आह्वान गरेको मन्त्रिपरिषद् वैठक प्रधानमन्त्री निवास बालुवाटारमा आज साँझ ५ बजे बस्दैछ । बैठकले लकडाउनबारे थप निर्णय लिने बताइएको छ ।
कोरोना भाइरसको संक्रमण बढेकाले लकडाउन थप्ने सरकारको तयारी छ ।
यसअघि उच्चस्तरीय समन्वय समितिको वैठकमा लकडाउनको मोडालिटिबारे छलफल भएपनि लकडाउन थप्नुको विकल्प नरहेको एक मन्त्रीले बताए।
मन्त्रिपरिषद् वैठक बस्नुभन्दा पहिला साढे २ बजे उच्चस्तरीय समन्वय समितिको वैठक बोलाइएको छ। समितिको सुझावका आधारमा मन्त्रिपरिषदले अन्तिम निर्णय गर्नेछ।
आजै दिउँसो साढे २ बजे सिंहदरबारमा समन्वय समितिको बैठक पनि बस्दैछ ।
