१५ जेठ, विराटनगर।
प्रदेश १ का प्रदेश प्रमुख सोमनाथ अधिकारी ‘प्यासी’ले तेह्राैँ गणतन्त्र दिवसका अवसरमा प्रदेशवासीलाई शुभकामना ब्यक्त गरेका छन् । विहीबार एक शुभकामना सन्देश जारी गर्दे प्रदेश प्रमुख प्यासीले नेपाली जनताको लामो र अथक संघर्ष, वीर सहिदहरुको त्याग र बलिदान वाट प्राप्त संघीय लोकतान्त्रिक गणतन्त्र, स्थापित भएको महान दिनमा देशभित्र र देशवाहिर रहनुभएका सम्पूर्ण नेपाली जनसमुदाय लाई हार्दिक शुभकामना व्यक्त गरेका छन् ।
प्रदेश प्रमुखले यस महान दिन ल्याउन सामनतवाद र त्यसमा रमाउने शासकहरु लाई विश्वसामु लज्जीत पार्दै, पराजीत गर्ने सम्पूर्ण सहिदहरु प्रति हार्दिक श्रद्धाञ्जली अपर्ण गरेका छन् । यस्तै आजको दिनलाई नेपाली जनताले मुक्ति र शक्ति प्राप्त गरेको दिनको रुपमा सहर्ष स्मरण गर्दै, सबै नेपाली जनसमुदायमा हाम्रो संविधान, हाम्रो व्यवस्था, आफ्नै पहिचान अनुभूत गर्दै, राष्ट्रियता, स्वाधिनता, सार्वभौमसत्ता, सम्पन्न बन्दै जनताका अधिकार, अवसर र सुरक्षा साथै नयाँ सभ्यता स्थापित गरेको दिनको स्मरण उनले सन्देश मार्फत गरेका छन् ।
शुभकामना सन्देशमा विश्वव्यापी संक्रमणको रुपमा रहेको कोभिड–१९ कोरोना भाईरस संक्रमणले सबै लाई सताईरहेको यस बिकराल परिस्थितीको सामना गर्न नेपाल सरकार र विश्व स्वास्थ्य संगठनका निर्णय र निर्देशनको सबैले आ–आफ्नो ठाँउमा पालना गरौँ । आफु बाँचौ अरुलाई बचाउन मद्दत गरौँ । राष्ट्रिय महत्वका हरेकै गतिविधीमा हामी सबैले सबै ठाँउमा एकमना एकता कायम गरौँ । अन्तमा जनआन्दोलका कल्पनाकारहरु, निती निर्माताहरु, त्यसलाई लागु गर्ने कार्यकर्ता र जनताहरु, प्राप्त परिणाम लाई आत्मसाथ गर्दै आन्दोलनका झण्डा उठाउनेहरु प्रति सम्मान जाहेर गरिएको छ ।
