१८ असोज, एजेन्सी । लन्डन क्लब आर्सनलले इंग्लिस प्रिमियर लिगमा सेफिल्ड युनाइटेडलाई पराजित गरेको छ ।
घरेलु मैदान इमिरेट्स स्टेडियममा आज भएको खेलमा आर्सनलले सेफिल्डमाथि २–१ को जित निकालेको हो । आर्सनलको जितमा बुकायो साका र निकोलस पेपेले गोल गरे । सेफिल्डका डेभिड म्याकगोल्डरिकले गोल गरेपनि हार टार्न सकेनन् ।
जितसँगै आर्सनलले ४ खेलबाट ९ अंक पु¥याएको छ । पराजित सेफिल्ड जितविहीन छ ।
यस्तै अर्काे खेलमा वुल्भ्सले फुलह्याममाथि १–० को झिनो जित निकालेको छ । वुल्भ्सको जितमा पेड्रो नेटोले दोस्रो हाफमा गरेको गोल नै निर्णायक बन्यो । उनले ५६औं मिनेटमा गोल गरेका थिए ।
यो जितसँगै वल्भ्सको ४ खेलबाट ६ अंक पुगेको छ । पराजित फुलहम अंकविहीन हुदै पुछारमा छ ।
त्यसअघि लेस्टर सिटीले इंग्लिस प्रिमियर लिगमा पहिलो हार बेहोर्यो । घरेलु मैदान किङ पावर स्टेडियममा लेस्टर वेस्ट ह्यामसँग ३–० ले स्तब्ध हुँदै लिगमा पहिलो हार बेहोरेको हो ।
जितपछि वेस्ट ह्यामले चार खेलबाट ६ अंक जोडेको छ । पराजित लेस्टरले एभर्टनसँगको अंक बराबरी गर्ने अवसर गुमाएको छ । लेस्टरको ४ खेलबाट ९ अंक छ ।
अर्को खेलमा साउथह्याम्पटनले घरेलु मैदानमा वेस्ट ब्रोममाथि २(० को जित दर्ता गर्यो ।
